De Start esch gloekt! E de letschte paar Tag haend mer di riesig (15 Millione Iwohner) Metropole Moskau erkondet. Mer haend gstuunt, dass de roti Platz ned rot esch (rot heisst of rossisch naemli au schoen), mer haend eus verzaubere loh vo de Basilisk-Kathedrale (si gset woerkli us wie em Maerli), mer send met Metro, Bus ond Zug gfahre (was gar ned so eifach esch, wenn alles en kyrillisch agschrebe esch, so semmer met em Bus au e di falsch Rechtig gfahre ond so a de Aendstation glandet...), mer haend eus blaende loh vo all dene goldige Toerm ofem Kreml, mer haend eus onverstande gfuehlt (niemer chan Aenglisch ond mer kei Rossisch), mer send vell Metro gfahre, gnauso wie 6 Millione Moskauer au pro Tag (em Gaegesatz zo allne andere Paendler haend mer die pronkvolle Statione wohrgno), mer haend d Ussecht vo de Sperlingsberge gnosse ond send met de Saesselbahn weder abegfahre, mer haend Bortsch gaesse (mmh!), mer haend euses Lieblingscafi gfonde (Ljudi kak Ljudi - Mensch bleibt Mensch), mer haend vell Gaeld usgaeh, obwohl mer nuet kauft haend ond nuet tuer gsi esch, mer haend eus underdressed gfuehlt (jedi Frau muess do dihei e riese High-Heels Sammlig met de hoechste ond de doennste Absaetz ha, wo mer sich chan vorstelle...), mer send entsetzt gsi, ab dene haessliche Plattebaute, mer send beidrockt gsi ab em GUM, s groeschte Ichaufszenter en Moskau, ond haend eus gfrogt waer sich do oepis chan leischte (be eus hets nor foer en gfoellte Haerdoepfel glanget..), mer haend ame Rock-Konzert enere Onterfuerig glauscht (het super toent!). Mer haend nor gmacht, was mer haend welle (soscht nuet!) Chorz, mer haend Moskau met allne Senn erlaebt ond freued eus jetzt ofs Wiiterreise nach Nowosibirsk.
@Nadine: Liebi Nadine. Danke vell mol! Mer gaend eus Mueh met de Foeteli, aber s esch ned so eifach, es send alles sehr langsami PC s!!! Waeg em Reisefuerer esch scho guet, bruch ehn jo sowieso ned. Hesch oeper foer d Wonig? Hoff es! Machs guet ond bes gli
@ Rahel: Danke vell mol! Mer gnuesseds ond freuded eus of alles wo no chonnt! Bes gli Liebi Gruess us Irkutsk
helloo ehr zwoi!!! das tönt also schpannend!!! aber: meeeh föteli:) wönsch eu witerhiin en gueti reis und ziit!!!(sabine, de reisefüehrer wartet ez be mer dihei bes er weder heichömed, also das heisst er zöglet met mer, wohi au emmer)!!!ganz liebe grüess nadine
Hallo zäme
Da tönt jo super ond gseht au so us. I wönsch eu ganz vel Spass be euere Entdeckigsreis. De Yves hät sech öbrigens guet gmacht em 10vor10!=)
Liebi Grüess us de Schwiizerhauptstadt, Rahel =)
@ Yvi: Hoihoi. Jo, das met em upload esch leider ned allzu eifach.. S het sehr wenig Compis met Internet, vorallem do en Sibirie...ond denn sends meistens au ned di schnellste! du hesch jo demfall au sehr vell erlaebt e dere chorze Ziit. Schad hani diin Uftrett ned gseh, hoff das goht denn spoeter no ergendwie.. Vermess di notuerli au scho. Han s Gfuehl mer send scho ewig do. Aber es esch alles so neu ond ufregend, wenn au ned emmer eifach, aber mer gnuesseds! Also. Pass of dich uf ond vell Spass. En Gruess a alli. Sabi
@Nadine: Ui, mer gaend euses beste met schriebe ond ufelade, aber beides esch ned so eifach.. Du loschtigi! Ich woerd di sofort metnaeh, das weisch! Chom doch eifach dohi, of Nowosibirsk en Sibirie?! Koess di
@Urs: Danke vell Mol! De Start esch gloekt. Au e gueti Ziit.
Sabiiiii
Do druuf han ich jo scho eeewigs gwartet, dass ehr endlich euchi siite update... (esch natürlich sicher ned allzu eifacht!) Tönt ja mega cool, ond d bilder xehnd au super us. Ich ben froh dass er guet acho send, ond de KGB euch bes jetzt anschiinend nonig verhaftet het. Ich ben gspannt ond freu mich of jedes Lebenszeiche för euch. Do fangt jetzt langsam die komischi Ziit a, ein Woche hend mer eus jo mängisch ned xeh, je länger s jetzt aber goht... ;( Du hesch öbrigens miin TV-uftritt verpasst! ich ben gester em 10vor10 cho för es Statement zo SUISA-Gebühre (han eifacht eeeergendöbis verzellt...). Haha, esch aber sehr lostig xi. Ond am Wochenänd ben ich go luege wie die dütschi onterschicht am Southside (gem. dt. T-Shirts auch Sauf' Side 09 genannt) alles geh hend. s esch loschtig xi, het aber 3 täg dauer-geregnet.
Also, wiiterhin ganz vell spannendi erlebniss ond passed au guet uf.
schöööööön! ha aso scho lang uf dä bricht gwarted ;-) obwohl ich eigentlich immer no z tiefscht beleidigt bi dass dir mi nit mitgno heit *g*...möchets guet
En guete Schtart eu zwei,viel Freud und tolli Erläbnis !! Gueti Reis !! Urs
